 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
|
||||
 |
||||
太太心聲 我同我先生結婚五年，前兩年仲有咗囡囡，一直以來先生好就我，特別我有咗BB之後，佢真係對我好好，我以為我自己真係好幸福，有一個好美滿嘅家庭。但係喺一年前，我發覺先生成日好夜番，番到屋企又唔出聲，平日佢番屋企第一件事一定會同囡囡玩，有一次囡囡扭住佢，佢竟然一手撥開佢。我好嬲，我覺得佢唔要我哋，我決定搬去同個囡度瞓。 之後，我自己搬番去同佢瞓，就係嗰時，我無意中見到佢手機嘅訊息，係個女仔sent 俾佢，叫佢好好休息，miss you嗰刻，我真係晴天辟歷，自嗰日起我真係好驚，我叫自己慎定，我開始偷睇佢電話，睇佢facebook，佢一遲D返，我就會好驚！慢慢我發覚佢開始delete電話D MSG，我肯定佢有嘢暪住我，佢出面一定有另一個女人！佢話我痴線，仲話我無權睇佢D嘢……我可以點？ 丈夫心聲 一直以來，我以我自己有一個好太太，好家庭為榮，事業上咗軌道，仲有個好可愛嘅囡囡，之後就會好開心。點知近依年，公司要減人手，我咪係咁做囉，真係好攰，番到屋企，我真係想靜下，我有時都想同太太講兩句，但係佢每次都係同阿囡玩，有時我覚得好大壓力，好想同太太睇場戲，佢又話唔可以，話我唔顧呀囡，我真係講到唔想講，佢仲要話我夜番，我想嘅咩，我唔講係唔想佢擔心，佢唔會明……淨係話我！佢搬去同呀囡瞓，搬囉，佢一向唔會理我，依家佢鐘意點就點。 的而且確，我個女同事真係好幫我手，晚晚喺度幫我，我唔知佢點諗，我淨係覺得同佢一齊無壓力，好舒服，我無諗咁多，我唔想諗，有一刻好衝動嘅時候我都諗個咩都唔理，我同佢真係好開心，但我哋依家真係無嘢。我知道我老婆偷睇我電話，我起初都唔出聲，我辛苦咗咁耐，佢有關心過我咩，點解依家又要管我嘅嘢…… 太太心聲 後來我有個朋友叫我去搵下輔導員傾下，我都去試下。輔導員好明白我，佢知道我好著緊我先生，婚外情既出現係表示我哋婚姻亮起咗紅燈。佢叫我先接觸自己嘅情緒，了解依家我自己的情緒狀態，個人先定下來。又同我睇番大家的婚姻歷史，我發現原來自囡囡出咗世，我哋嘅關係開始遠咗，我哋好少傾偈，我樣樣以個囡為先，我以為佢都係咁諗。我唔知佢最緊發生咩事，不過我知道我越激動，佢只會越走！我想先同佢就自己做錯的地方道歉，再邀請佢同我找輔導員傾番我哋之間嘅問題。好彩過了一段時間，先生肯和我去一次，我終於聽到先生嘅心聲，原來我地之間有好多問題，過去根本無正視過。希望籍住今次，我哋可以好好咁溝通，我明白我哋仲有好長嘅路要行，希望我哋可以堅持行落去…… |
||||
 返回頁頂 |
||||
| 返回頁頂 |
||||
|
||||
網頁比例
訂閱頻道
活水福傳新呈獻